श्याम घिमिरे,
फागुन ३० अर्घाखाँची-
अर्घाखाँची क्रिकेट संघले आयोजना गरेको चौथो सिजनको अर्घाखाँची प्रीमियर लिग (एपिएल) क्रिकेटको उपाधि इलाभेन ब्रदर्श डिभर्नाले प्राप्त गरेको छ । मंगलवार भएको फाईनल खेलमा रोयल सन्धिखर्कलाई ८७ रनले पराजित गर्दे इलाभेन ब्रदर्श डिभर्नाले उपाधि हात पारेको हो । प्रतियोगीताको बिजेताले रु १ लाख १ हजार र उप बिजेताले ५१ हजार नगद सहित ट्रफि प्रमाण पत्र र मेडल प्राप्त गरेको अर्घाखाँची क्रिकेट संघका अध्यक्ष रिषी भट्टराईले जानकारी दिनुभयो । खेलमा बिभिन्न बिधाहरुमा समेत आर्कषक पुरस्कारको व्यवस्था गरीएको थियो ।

यहि फागुन २३ गतेदेखि सन्धिखर्कमो टुडिखेल मैदानमा सन्चालन भएको प्रतियोगीतामा पुष्प वारीयर्स, रोयल सन्धिखर्क, रोयल खाँचीकोट भगवति र इलाभेन ब्रदर्श डिभर्ना गरी कुल चार टिमको सहभागीता रहको थियो । यसैबिच  १९ वर्षमुनिकाे राष्ट्रिय क्रिकेट टाेलीका सदस्य उत्तम थापा मगरलाई गृहजिल्ला अर्घाखाँचीकाे सन्धिखर्कमा स्वागत गरिएको छ । अर्घाखाँची क्रिकेट संघकाे आयोजनामा स्थानीय युवाहरूले बाइक र्‍यालीसहित बजार परिक्रमा गराएर मगरकाे सम्मान गरेका हुन् ।