श्याम घिमिरे
असोज २१,
मानव अधिकार तथा शान्ति समाज अर्घाखाँची शाखाको ११ औं साधरण सभा सम्पन्न भएको छ । सनिवार सन्धिखर्कमा सम्पन्न कार्यक्रममा बोल्दै शान्ति समाजका केन्द्रीय वरिष्ठ उपसभापति कृष्णबहादुर रावलले चुरे ध्वस्त पार्न पाइदैन,मरुभुमिकरण गर्ने निति चाहिदैन भने लगायतका नाराकासाथ अभियान अगाडी बढेको बताउनुभयो । रावलले पछिल्लो समय देशमा भष्ट्रचारका गतिविधि बढ्दो क्रममा रहेकाले यसको नियन्त्रण लागि सरकार मार्फत दबाब सृजना गर्दे आएको बताउनुभयो । समाजका हरेक क्षेत्रमा न्यायको आवाज उठाउनु नै शान्ति समाजको मुख्य भुमिका रहेको भन्दै रावलले मानवअधिकार,शान्ति,अहिंसा र लोकतन्त्र रक्षाकोलागी सबै एकजुट भएर लाग्न आग्रह गर्नुभयो ।

कार्यक्रममा शान्ति समाजका केन्द्रिय सचिव शन्तोष अधिकारी क्षेत्री, केन्द्रिय सदस्य तथा अर्घाखाँची पर्यवेक्षक अरुण ज्ञवाली,नवलपरासी शाखा सचिव शिव प्रसाद पौडेल ,भुमिकास्थान नगरपालिका वडानम्बर १ का वडा अध्यक्ष गोपाल खनाल,पत्रकार महासंघ लुम्बिनी प्रदेश सदस्य पे्रमनारायण आचार्य,अर्घाखाँची सचिव विनोद गैरे,नेपाल शिक्षक महासंघ अर्घाखाँचीका सचिव कृष्ण खनाल लगायतले सुभकामना मन्तव्य राख्नुभएको थियो । कार्यक्रम शान्ति समाज अर्घाखाँची सभापति निलकण्ठ भुसालको अध्यक्षता,पुर्व सभापति अशोक पौडेलको स्वागत मन्तव्य र सहसचिव सागर महतको सञ्चालनमा सम्पन्न भएको हो ।