श्याम घिमिरे
फागुन २६ सन्धिखर्क

नेपाली काँग्रेस समर्थित भुतपूर्व सैनिक संघ अर्घाखाँचीको भेला तथा अधिवेशन सनिवार सन्धिखर्कमा सम्पन्न भएको छ । भेलालाई सम्बोधन गर्दै कँंग्रेस जिल्ला सभापति केशव श्रेष्ठले इमान्दार पूर्वक कर्तव्य पालना गर्ने संस्था सैनिक संघ रहेको बताउनुभयो । उहाँले देशको सुरक्षामा बिचलित नभइ सेवा गरेका शैनिकहरु अवकास भएसंगै बाँकी जीवनलाई सामाजिक सेवामा लगाउ आग्रह गर्नुभयो ।

कार्यक्रममा बोल्दै काँग्रेस पूर्वसभापति कमलप्रसाद भुसालले अवकास पछि सामाजिक काम सँगै लोकतन्त्रलाई बलियो बनाउन भुतपूर्व सैनिकहरु कटिबद्ध भएर लागेकोमा मुक्त कष्ठले प्रशंसा गर्नुभयो । भुसालले पेन्सन बुझ्न तम्घास जानुपर्ने अबस्थालाइ समाधान गरी सन्धिखर्कबाटै पेन्सन पाउने व्यवस्थाकोलागि नेतृत्व गरेकोमा भुतपूर्व सैनिक संघलाइ धन्यवाद व्यक्त गर्नुभयो ।

अधिवेशनमा भुपु सैनिक संघका केन्द्रीय सदस्य रामबहादुर परियार, काँग्रेस जिल्ला सचिव कृष्णप्रसाद खनाल, पत्रकार महासंघका उपाध्यक्ष वीरेन्द्र केसी लगायतको उपस्थिति रहेको थियो ।

अधिवेशनले गोपालप्रसाद अर्यालको अध्यक्षतामा १५ सदस्यीय भुतपूर्व सैनिक संघ अर्घाखाँचीको गठन गरेको छ । जसको सदस्यहरुमा क्रमश : झविन्द्र खड्का, विष्णुप्रसाद श्रेष्ठ, डिलाराम श्रेष्ठ, विनाराम चुँदाली, दधिराम सुमई, फर्शुराम पाण्डे, लोकराज खनाल, दधिराम श्रेष्ठ, धनबहादुर पाण्डे, नारायणप्रसाद श्रेष्ठ र वेदुलाल खनाल चयन हुनुभएको छ ।