श्याम घिमिरे
२०८१ चैत २८ सन्धिखर्क

अर्घाखाँची आवासीय माध्यमिक विद्यालय सन्धिखर्क २ बेलबाटीकाको शैक्षिक सत्र २०८१ को नतिजा प्रकाशन, विश्लेषण तथा पुरस्कार वितरण कार्यक्रम बुधवार सम्पन्न भएको छ । अभिभावक सहित सरोकारवालाको उपस्थिति रहेको कार्यक्रममा बिधालयको बर्तमान अबस्था र आगामी कार्यक्रमको बारे समेत जानकारी गराइएको थियो । विद्यालयको चालू शैक्षिक सत्रमा शैक्षिक उपलब्धिमा ५ प्रतिशत भन्दा बढी अभिवृद्धी भएको तथ्यांकले देखाएको नतिजाको विश्लेषणात्मक रिपोर्ट प्रस्तुत गर्दै विद्यालयका प्रवन्ध निर्देशक श्रीकृष्ण भुसालले जानकारी दिनुभयो ।

विद्यालय व्यवस्थापन समितिका अध्यक्ष लिल बहादुर राउतको अध्यक्षता, अर्घाखाँची शैक्षिक गुठीका अध्यक्ष राम बहादुर रायमाझीको प्रमुख आतिथ्यता, प्रिन्सिपल चोपनारायण बन्जाडेको स्वागत मन्तब्य र वरिष्ट शिक्षक ध्रुव आचार्यको सञ्चालनमा सम्पन्न भएको कार्यक्रममा शैक्षिक सत्र २०८१ मा कक्षा प्रथम, द्वितीय र तृतीय तथा कक्षागत रुपमा सबैभन्दा बढी उपस्थिति, अनुशाशन, विद्यालय पोशाक तथा सरसफाई लगायतका विभिन्न विधामा उत्कृष्टता हासिल गर्ने छात्रछात्रालाई पुरस्कृत गर्नुका साथै सम्मान समेत गरिएको थियो ।

सम्मान तर्फ कक्षा १० मा अध्ययनरत क्षितिज पुनले एचष्मभ या द्यभदिबतष्पब तथा कक्षा ८ मा अध्ययनरत छात्रा शिक्षा के. सी. ले क्तगमभलत या तजभ थभबच उपाधि प्राप्त गरेका छन ।

यसैबिच सोही कार्यक्रममा दिवगंत संस्थापक तथा समाजसेवी फर्सुराम पराजुलीको स्मृतिमा उहाँका सुपुत्र तथा विद्यालयका प्रवर्धक दीपक पराजुलीले क्तगमभलत या तजभ थभबच उपाधि प्राप्त गर्ने विद्यार्थीलाई आकर्षक पुरस्कार सौजन्य गर्नुभएको थियो । प्रवर्धक पराजुलीले अर्घाखाँची आवासीय माध्यमिक विद्यालय र सन्धिखर्क इङ्गलिस बोर्डिङ्ग स्कुलका उक्त उपाधि प्राप्त गर्ने सर्वोकृष्ट विद्यार्थीलाई प्रत्येक वर्ष पुरस्कार सौजन्य गर्ने प्रतिबद्धता पनि व्यक्त गर्नुभएको छ ।

कार्यक्रममा कक्षा ८ की विद्यार्थी शिक्षा के सी, अभिभावक शिद्धि भट्टराई, संस्थापक तथा पाणिनी बहुमुखी क्याम्पसका प्राध्यापक बाबुराम शर्मा लगायतले शुभकामना मन्तव्य राख्नुभएको थियो ।