के पी भुसाल ’अजस’
मुस्कान छर्दे नववर्ष आउ,
हटाइ अज्ञान नयाँ सोंच ल्याउ ।
छोएर छाती अति नै रमाइ,
स्वागत् छ हाम्रो नववर्षलाई ।।
सोचेर धेरै नववर्ष आउ,
पीडा सबैका मनका धपाउ ।
सकाउ सारा दुख कष्टलाई,
स्वागत् छ हाम्रो नव वर्षलाई ।।
हटाइ हाम्रा मनभित्र लेउ,
पापी सबैमा सतबुद्धि देउ ।
घाती सबैमा गुनले झपार,
स्वागत् छ हाम्रो खुसले सकार ।।
विगत् दुखीमा दुखजो थमाए,
हुरी चलाए ढुकुटी उडाए ।
छेकेर हावा खजना वचाउ,
स्वागत् छ औधी दुखमा सघाउ ।।
नेपाल हाम्रो छ महान देश,
आफ्नै छ राम्रो पहिचान भेष ।
मिलेर बस्छौं सब भाइ भाइ,
स्वागत् छ हार्दिक् नव वर्षलाइ ।।
पेसा नमिल्दा कति दाजुभाइ,
विदेश जान्छन् मुटु मन् जलाइ ।
स्वदेश भित्रै पसिना लगाउ,
विन्ति छ हाम्रो नव वर्ष आउ ।।
नयाँसाल हाँस्दै अव आउआउ,
विवेक राख्दै सनकी धपाउ ।
हटाउ पीडा मनुका धपाइ,
स्वागत् छ लाखौं नव वर्षलाई ।।
अमूल्य जीवन् नभुलौं कसैले,
बचाइ बाँच्ने अब हो सबैले ।
हउन् सबैका हरपल् खुसीमा
नयाँ वर्षको छ शुभकामना ।।
प्रकाशन मिति :२०८१ बैशाख १
