श्याम घिमिरे चैत्र २४ अर्घाखाँची – अर्घाखाँचीमा जीप दुर्घटना हुँदा दुई जनाको ज्यान गएको छ । जिल्लाको मालारानी गाउँपालीका–३ ढुङ्गाडे स्थित लुटीपोखरी–खनदह सडकखण्डमा लु २ च २९९० नम्बरको जीप दुर्घटना हुँदा चालक मालारानी ४ बस्ने २२ वर्षीय दिलिप खनाल र सोही वडा निवासी २१ वर्षीय बालकृष्ण रिजालको ज्यान गएको जिल्ला प्रहरी कार्यालय अर्घाखाँचीले जनाएको छ ।
दुर्घटनामा गम्भीर घाइते भएका मालारानी ४ कै भुवन पोख्रेल र बसन्त पोख्रेललाई थप उपचारका लागि बुटवल पठाइएको प्रहरीले जनाएको छ । जीप आइतवार बिहान सडकबाट अन्दाजी साढे दुई सय मिटर तल खसेको थियो ।
