डिल्ली राज घिमिरे
भूमिकास्थान ९ अर्घाखाँची –
भूमिकास्थान ९ अर्घाखाँची –
सूत्र iss iss iss iss गण य य य य
१
नहोस् है कसैको दुखी जिन्दगानी
धराको छ बेग्लै अनौठो कहानी
लिई कष्ट सारा गरेरै लगानी
सधैँ स्वच्छ राखौँ पँधेरो र पानी ।।
२
कतै फाँट बेँसी कतै शैल अग्ला
सुसाएर बग्छिन् यहीँ बाणगङ्गा
जुटौँ एकसाथै बनी सर्वज्ञानी
सधैँ स्वच्छ राखौँ पँधेरो र पानी ।।
३
यहाँ पुष्पगुच्छा गरामा फुलेका
चखेवा भँगेरा धरामा उडेका
तपोभूमि भित्रै बनेरै किसानी
सधैँ स्वच्छ राखौँ पँधेरो र पानी ।।
४
तिलानी रसानी उनै हुन् परानी
नपाए त पानी कहाँ बाँच्छ प्राणी
धरा माउनी झैँ बनेको छ सानी
सधैँ स्वच्छ राखौँ पँधेरो र पानी ।।
५
यहाँ सम्पदा धेर खानीहरू छन्
यहाँ शैलका सत् निसानीहरू छन्
भई धीर योद्धा बनी स्वाभिमानी
सधैँ स्वच्छ राखौँ पँधेरो र पानी ।।
प्रकाशन मिति : २०८२ बैशाख ५
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
बैसाख १, २०८३ मंगलबार 7 Views
फागुण १४, २०८२ बिहिबार 25 Views
