श्याम घिमिरे,
मंसीर १३ –
नेकपा एमालेकोे आगामी मंसीर २७ गते हुने राष्ट्रिय महाधिवेशनकोमा प्रतिनिधी चयनका लागी अर्घाखाँचीमा मतदान हुने भएको छ । एमाले अर्घाखाँचीका अनुसार शुक्रबार दिनभर सर्वसम्मतको प्रयास गरिएपनि सर्वसम्मत हुन नसकेपछि मतदान हुन लागेको प्रमुख निर्वाचन अधिकृत केवी भुसालले बताउनुभयो ।

खुलातर्फ ६ र महिलातर्फ ४ जनाकोलागि जम्मा १४ जनाको उम्मेदवारी परेको भुसालले बताउनुभयो । जसअन्र्तगत भुगोल खुलातर्फ पिताम्बर भुसाल, शम्भुप्रसाद पोख्रेल, रेशम थापा, बसन्तकुमार श्रेष्ठ, तेजप्रसाद खनाल, कमलप्रसाद घिमिरे,श्रीकृष्ण भुसाल, प्रेमनारायण गैरे र रामजीप्रसाद घिमिरे गरी ९ जनाको उम्मेदवारी परेको हो ।

यस्तै महिलातर्फ ४ जनाको लागी ५ जनाको उम्मेदवारी परेको छ । महिला भुगोल तर्फ सुस्मा श्रेष्ठ, दिपा आचार्य, विष्णुमाया आचार्य, लक्ष्मी गौतम र गिता भाट क्षेत्रीको उम्मेदवारी परेको छ । जिल्लाका ६ वटै पालीकामा आज सनिवार बिहान १० बजेदेखि अपह्रान्न ४ बजेसम्म मतदान हुने एमाले अर्घाखाँचीले जनाएको छ ।

३ जना भने यस अघि सर्वसम्मत प्रतिनिधी भईसकेका छन् । भुगोल युवातर्फ तोजबहादुर रायमाझी (बिधान), दलिततर्फ लिलबहादुर विक र आशा परियार सर्वसम्मत निर्वाचित भएका हुन । पार्टीको एघारौं महाधिवेशनका लागि अर्घाखाँचीबाट विभिन्न क्षेत्रका गरि १३ जना प्रतिनिधिहरु सहभागी हुदैछन ।