श्याम घिमिरे,
चैत १० सन्धिखर्क –

सन्धिखर्क नगरपालिका २ नम्बर वडाकार्यालयको आयोजनामा सुक्रवार टोल विकास संस्थाका पदाधिकारीहरूसंग अन्तरक्रिया कार्यक्रम सम्पन्न भएको छ । कार्यक्रममा बोल्दै सन्धिखर्क नगरपालीकाका नगरप्रमुख कृष्णप्रसाद श्रेष्ठले नगरको समग्र बिकासकोलागी सबै नगरबासी एकजुट भएर लाग्नुपर्नेमा जोड दिनुभयो । श्रेष्ठले नगरभित्रका अत्यावश्यक आबश्यकताहरु बिस्तारै पुराहुदै गइरहेको भन्दै आगामी ५ बर्षमा नगरपालीकालाई बिकसित नगरपालीका बनाउने प्रतिबद्धता समेत व्यक्त गर्नुभयो ।

श्रेष्ठले नगरपालीका भित्रका सडकहरुमा बिजुलिबत्ती जडानसंगै सिसी क्यामरा जडान कार्य पनी सुरु गरीने योजना रहेको बताउनुभयो । श्रेष्ठले नगरभित्र व्यवस्थीत बसोवास, खानेपानी,बिद्युत, सडक,स्वास्थ्य,शिक्षा, कृषिलगायत बिकास निर्माणका कार्यहरुलाई पहिलो प्राथमिकतामा राखि काम भइरहेको बताउनुभयो ।

कार्यक्रममा सन्धिखर्क नगर उपप्रमुख मिश्रा आचार्य, राजश्व शाखा प्रमुख (अधिकृत छैठौं तह) मुक्तिराम खनाल र ईन्जिनियर प्रमोद केसिले सन्धिखर्क नगर भित्र फोहोरमैलाको व्यवस्थापन ,व्यवसाय कर, नयाँ नक्सा पास/ नक्सा अभिलेखिकरण ,सम्पत्ति कर (तिरो) बजार अनुगमन र करको दायरामा नआएका व्यवसायीहरूको बारेमा मनतब्य सहित सहजिकरण गर्नुभएको थियो ।

सन्धिखर्क नगरपालिका २ नम्बर वडा अध्यक्ष मोतिजंग रायमाझीको अध्यक्षता र वडासचिव पुष्पा भुसालको सञ्चालनमा सम्पन्न अन्तरक्रिया कार्यक्रममा टोल बिकास समितिका पदाधिकारीहरुले आआफ्नो टोलमा रहेका बिभिन्न समस्याहरुको बारेमा जानकारी गराउनु भएको थियो । सोहि अबसरमा टोल बिकास संस्थालाई डस्विन समेत बितरण गरीएको थियो ।