श्याम घिमिरे,
पुष २१ अर्घाखाँची

नेपाल हृदयरोग निवारण प्रतिष्ठान अर्घाखाँचीको छैठौं साधारणसभा सम्पन्न भएको छ । सुक्रवार सन्धिखर्कमा सम्पन्न सभाको सन्धिखर्क नगर प्रमुख कृष्णप्रसाद श्रेष्ठले व्यानर वाचन गरेर उद्घाटन गर्नुभयो । कार्यक्रममा बोल्दै नगरप्रमुख श्रेष्ठले स्वथ्य जिवनयापनकालागी स्वथ्य मुटुको आबश्यकता पर्ने भन्दै,मानब अंगको समवेदनशिल अंग मुटुलाई स्वथ्य राख्नु आजको पहिलो आबश्यकता रहेको बताउनु भयो । श्रेष्ठले मुटुलाई स्वथ्य राख्न खानपान र बानि व्यवहारलाई पुर्णरुपमा परिबर्तन गर्नुपर्नेमा जोड दिनुभयो । उहाँले मुटु सम्बन्धी समस्यालाई सामान्य रूपमा लिन नहुने भन्दै समयसमयमा मुटु परिक्षण गर्नु सबैलाइ आग्रहपनि गर्नुभयो ।

संस्थापक नगर प्रमुख कमलप्रसाद भुसालले मानव स्वास्थ्य भन्दा अरु कुनै कुरा ठुलो हुन नसक्ने भन्दै मानव स्वास्थ्यलाई सबैले ध्यानदिनुपर्ने बताउनुभयो । भुसालले दुर्गम स्थानमा समेत पुगि प्रतिष्ठानले निशुल्क स्वास्थ्य शिविर सहित सचेतना मुलक कार्यक्रम सञ्चालन गरको भन्दै संस्थाको प्रशंसा समेत गर्नुभयो । भुसालले यसप्रकारको परोपकारी अभियानमा सबैले सहयोग र साथ दिनुपर्नेमा जोडपनि दिनुभयो ।

जिल्ला अस्पताल अर्घाखाँचीका प्रमुख डा.जगन्नाथ तिवारीले मुटु रोग सबै उमेर समुहका व्यक्तिलाई हुनसक्ने भएपनि बिशेषगरी बालबालिकालाई घाँटी दुख्ने र टन्सील बढीरहदा मुटुसम्बन्धी समस्या हुनसक्ने जोखिम रहेकोले सावधानी अपनाउन सबैलाइ आग्रह गर्नुभयो । तिवारीले समयसमयमा मुटुको जाच गर्न सुझाव पनि दिनु दिनुभयो । उहाँले अस्पताल प्रतिष्ठानसँग सहकार्य गरी अघि बढ्ने प्रतिबद्धता समेत व्यक्र गर्नुभएको थियो ।

सन्धिखर्क ८ का वडा अध्यक्ष तथा प्रतिष्ठानका संस्थापक अध्यक्ष हुम प्रसाद बञ्जाडेले स्थापना कालमा आफुले नेतृत्व गरेको प्रतिष्ठान अहिलेपनि सक्रिय रुपमै अघि बढेको भन्दै खुसी व्यक्त गर्नुभयो । कार्यक्रममा छाँया अस्पतालका सञ्चालक दल बहादुर केसी, पत्रकार अर्जुन भुसाल लगायतले शुभकामना मन्तव्य राख्नु भएको थियो ।

कार्यक्रममा पत्रकारिताको माध्यमबाट संस्थाका गतिविधिलाई उजागर गरेको भन्दै पत्रकार अर्जुन भुसाललाई सम्मान गरेको समेत गरेको थियो । कार्यक्रम प्रतिष्ठानका अध्यक्ष कृष्णप्रसाद भुसालको अध्यक्षता, सदस्य कविता भुसालको स्वागत मन्तव्य र सचिव मेनुका पौडेलको सञ्चालनमा सम्पन्न भएको हो ।

२०६७ सालमा स्थापना भएको संस्थामा हाल १४० जना आजिवन सदस्यहरु रहेका छन । संस्थाले जिल्लामा मुटुरोग सम्बन्धी बिभिन्न सचेतनामुलक कार्यक्रमहरु सञ्चालन गर्दे आईरहेको छ ।