श्याम घिमिरे
फागुन २६ सन्धिखर्क

त्रिवेणी वचत तथा ऋण सहकारी संस्था लिमटेड सन्धिखर्क २ चुत्राबेसीले आफ्ना शेयर सदस्यहरुलाई एक दिने सहकारी शिक्षा तथा वित्तिय साक्षरता कार्यक्रम सनिवार सम्पन्न सन्धिखर्कमा सम्पन्न गरेको छ । सहकारीले अवलम्वन गर्ने सात सिद्धान्तहरू मध्ये शिक्षा,तालिम र सूचना सम्बन्धि सिद्धान्तलाई आत्मसाथ गर्दे सहकारीले साक्षरता कार्यक्रमको आयोजना गरेको संस्थाका अध्यक्ष कमल प्रसाद घिमिरेले बताउनुभयो ।

करीब एकसय जना शेयर सदस्यहरुको सहभागीता रहेको कार्यक्रममा सहकारीको परिचय, ईतिहास, महत्व, सहकारीको आवश्यकता यसको प्रकृति,सहकारीको कार्यक्षेत्र, सदस्यहरुको काम कर्तव्य र अधिकार , सदस्यहरुको भुमिका, संस्थाको बर्तमान अवस्था, नीतिनियम,भ्रमण, गुनासो तालिम, सुझाव संकलनलगायतका बिषयबस्तुलाई समेटिएर तालिम संचालन गरीएको संस्थाका सदस्य तथा शिक्षा उपसमितिकी संयोजक माधवा घिमिरे भुसालले जानकारी दिनुभयो । कार्यक्रमा संस्थाका अध्यक्ष कमल प्रसाद घिमिरे,व्यवस्थापक तुल्सीराम खनाल, शिक्षा उपसमिति संयोजक माधवा घिमिरे भुसाल र सञ्चालक समिति सदस्य शिव बेल्वासेले बिषयबस्तुमाथी प्रकाश पार्नु भएको थियो ।

२०६८ सालमा स्थापित संस्थामा हाल १ हजार ३६ जना शेयर सदस्य संगै २ सय ५५ जना बाल बचतमा आबद्ध रहेको संस्थाका व्यवस्थापक खनालले बताउनुभयो । करिब १८ करोडको कुल पुँजी रहेको सहकारीमा ११ करोड भन्दा माथी ऋण लगानी , ११ करोड ६४ लाख बचत र ३ करोड ५८ लाख रुपैयाको शेयर पुँजि रहेको खनालले जानकारी दिनुभयोे । १ करोड ६ लाख रुपैया जगेडा कोष रहेको संस्थाले ९.३ प्रतिशत लाभांस रकम बितरण गरेको संथाका सचिव नारायण प्रसाद भुसालले बताउनुभयो । संस्थाले बिभिन्न सामाजीक कार्यसंगै सचेतनामुलक गतिबिधिहरु सञ्चालन गर्दे आईरहेको भुसालको भनाइ रहेको छ ।