के पी भुसाल ’अजस’

जय जय भगवान जय जय नाथ,
ज्ञान सिप देउ प्रभु दुबै एकै साथ ।
राम्रा राम्रा बुद्धि देउ हामी सबै लाई,
मायाँ गर्न जानौं प्रभु हामी भाइ भाइ ।।

सुखी दुखी बिच भयो सारै ठूलो दूरी,
बस्छ कोही महलमा छैन कतै धुरी ।
खान्छ कोही रोजीरोजी छैन कतै मुठी,
समानता देउ प्रभु मर्म सारै बुझी ।।

जहाजमा जता पनि लाग्दा धेरै चोट,
सारथिला लाज छैन हाँक्न खोज्छ अझ ।
बुद्धि देउ अज्ञानीला घोटालेलाई चोट,
रक्षा गर ,प्रभु अब नत्र ढल्च बोट ।।

खाडी बाट कति आयो पसिनाको मोल,
राखे जस्तो भयो सबै काँडालाई खोल ।
छैन खाँन कसैलाई खोलेसाग झोल,
हेर प्रभु कहाँ गयो पसिनाको मोल ।।

फिनी चोर ढाडेलाइ भेटाउने हैन,
भाँडो चाट्ने म्याउ म्याउ छुटेको नि छैन ।
जय जय भगवान चिन ढाडे चोर,
पसिनाको मोल खाने पार सबै खोर ।।

मौरी बस्ने घम भित्र डाइना बढ्डै गए,
कामगर्ने कर्मी जति भोकभोकै रहे ।
बसीखाँने धेरै भए सारै दुख डिए,
न्याय पाउँ प्रभु अव जप्छौं जय जय ।।

गाई बस्ने गोठ्मा सधै गधा एकछत्र,
भारी बोक्छ गधा पनि मालिकको मात्र ।
दुध दिने गाई भए सबै अलपत्र ,
न्याय गर प्रभु अव खोल तिम्रो छत्र ।।

बगैंचाको रखवारी ढेडुं पाङ्ग्रे पाए,
उद्यानका फलफूल सबै खाइ भ्याए ।
मुख हेर्दा बुजा थिए चुपचाप रहे,
यस्तो खेल हटाउ प्रभु जप्छौं तिम्रै जय ।।

खाँनु खाए पालै पालो फल धेरै खाए,
पाक्न पनि नदिएर बत्तीलैमा खाए ।
फूल खाँदा नपुगेर हाँगै भाँचि खाए,
यो चालला हटाउ प्रभु जप्छौं हामी जय ।।

सिधासाधा लडाएर आफू रूख चढ्छन्,
माथि माथि लटरम्म भुइँ बाट हेर्छन् ।
हेर्दा हेर्दै फल सबै लुछाचुँडी गर्छन्,
यस्तो चाल हटाउ् प्रभु नत्र रूख ढाल्छन् ।।

प्रकाशन मिति :२०८१ असार १८