के पी भुसाल  ‘अजस’

छ ख्याति तिम्रो अति भानुभक्त,
पुकार गर्छौ खुस भै सशक्त ।
स्रष्टा तिमी हौ जनमा महान,
ठूलो छ तिम्रा कृतिको कमान ।।

घाँसी सुनायो जब एक तथ्य,
उत्साह् बढायौ शुभकाम लक्ष ।
बसेर केही कविता जुरायौ,
सारै खुसी भै मनमै रमायौ ।।

महत्व रामायणको बुझेर,
भाषा नेपाली यसमै रमेर ।
सरल् बनायौ अनुवाद गरेर,
पढ्छौं खुसी भै अहिले झुमेर ।।

रहेछ रामायणता महान,
मानिन्छ शाश्वत् यसको कमान ।
तिम्रा अनेकौं रचना पढेर,
आनन्द मान्छौं महिमा बुझेर ।।

आचार्य तिम्रो तनता छुटेर,
लाग्यौ महापन्थ बिदा भएर ।
एकल् हिडेका क्षितिजै तरेर,
सामीप्य पुग्यौ शिवकै भएर ।।

शरीर तिम्रो मनुकै भएको,
भेट्दैन कोही अबता डुलेको ।
सुकार्य तिम्रा गरिमा छ धेर,
अम्मर भएछौ नभ मै नक्षत्र ।।

घुम्ने छ धर्ती जबसम्म मस्त,
याद् मा हुनेछौ कवि भानुभक्त ।
सम्मान गर्छौ सबले नुगेर,
आदिकविकोझप्रतिमा पुजेर ।।

प्रकाशन मिति :२०८१ असार २९