श्याम घिमिरे,
असोज ७ अर्घाखाँची

सेभ द चिल्ड्रेन ग्लोबल फण्डको सहयोगमा अर्घाखाँचीमा एचआईभी तथा टि.भि रोग रोकथाम र सचेतना सम्बन्धी काम गर्दे आईरहेको मल्लरानी ग्रामिण बिकास सरोकार केन्द्रको आयोजनामा आप्रवासी तथा उनिहरूको दम्पतीहरूलाई केन्द्रीत एचआइभी रोकथाम सम्बन्धि सरोकारवालाहरुसंग एच.आई.भि समन्वय बैठक तथा अन्तरक्रिया कार्यक्रम सोमवार सन्धिखर्कमा सम्पन्न भएको छ । कार्यक्रममा मनतब्य राख्दै जिल्ला समन्वय समिति अर्घाखाँचीका प्रमुख जिवनारायण कोइरालाले जिल्लामा संस्थाको खटनपटन राम्रो रहेको भन्दै संस्थाले गरेको कामको प्रसंशा गर्नुभयो । कोइरालाले कार्यक्रमको निरन्तरता संगै सहभागीहरुबाट आएका सकारात्मक सुझाबहरुलाइ मनन्गर्दे अगाडि बढ्न आग्रह गर्नुभयो ।

स्वास्थ्य कार्यालय अर्घाखाँचीका जनस्वास्थ्य निरीक्षक कृष्णप्रसाद पोख्रेलकोे अध्यक्षता र मल्लरानी ग्रामिण बिकास सरोकार केन्द्रका कार्यकारी निर्देशक बिजय कुमार श्रेष्ठको स्वागत मनतब्य र गिता भुसालको सञ्चालनमा सम्पन्न कार्यक्रममा जिल्लामा एचआईभी पोजेटिभ भएका व्यक्तिहरुको अबस्था,एआरटी औषधि प्रयोग लगायत एचआईभि संग सम्बन्धित बिविध बिषयहरुमा छलफल समेत भएको थियो ।

कार्यक्रममा मल्लरानी ग्रामिण बिकास सरोकार केन्द्रकी अर्घाखाँची जिल्ला कार्यक्रम अधिकृत गिता भुसालले संस्थाले जिल्लामा हालसम्म गरेको कार्यप्रगति,उपलब्धि, भाबि योजना, र चुनौति लगायतका बिषयमा प्रकाश पार्नुभएको थियो ।

स्थानिय सरोकारवालाहरुको सहभागिता रहेको कार्यक्रममा प्रमुख जिल्ला अधिकारी बाबुराम अर्याल, नेपाल पत्रकार महासंघका अध्यक्ष अशोक खनाललगायतले मनतब्य राख्दै संस्थाले हालसम्म गरेको कामको प्रसंशा गर्दे कार्यक्रमलाइ निरन्तरता दिन आग्रह समेत गर्नुभयो ।

यसैबिच संस्थाको चारबर्षे अबधिमा अर्घाखाँचीमा १७ जना एचआईभी पोजेटिभ व्यक्तिहरु फाइन आउट भएकोे र १७ जनालाई नै औषधि सञ्चालन गरिएको अर्घाखाँची जिल्ला कार्यक्रम अधिकृत भुसालले बताउनुभयो । प्युठानको सदरमुकाम खलंगामा केन्द्रीय कार्यालय रहेको मल्लरानी ग्रामिण बिकास सरोकार केन्द्रले अर्घाखाँचीमा सन २०२१ देखि काम गर्दे आइरहेको छ ।