निम्बतरु –
समाजलाई बाँध्न पनि एउटा मियो चाहिन्छ भन्छन् ए ।
जस्को वरिपरि हामी घुम्नुपर्छ रे ।
तब एकैठाउँ गोलबध्द भइन्छ रे ।
एकएकओटा दाम्लोमा
हामी अघि देखि नै बाँधिएकै हो
राजनैतिक दाम्लोमा
के बाँदरलाई स्वर्गमा पनि केरा मिल्छ ?
हामीले सोच्यौं
एउटा मियोमा घुमेर सिमितले दाईँ लगाए
पछाडिकाको पिठ्युँमा चोट पुग्छ सिङ जोगिन्छ
तब किलो भाँच्यौं
अब अलग अलग दाम्लोमा बाँधिएर
फरक फरक तरिकाले
लाग्छ
सिङ र पिठ्युँ जोगिन्छ
किलो ठोक्दा
न सिङ जोगियो न पिठ्युँ
किलो थिलो थिलो
अस्त व्यस्त
प्रकाशन मिति : २०८१ मंसिर १३
