वसन्त विक्रम जिःसी वसन्तऋतु
भूमिकास्थान १० अर्घाखाँची –
गण iss iss iss iss
उनै दीप बाती उनै दिव्य ज्योति
उनै मूल्यवानी हिरा, रत्न, मोती
उनै प्राण दाता उनै प्राण हर्ता
सबै दृश्य देख्ने उनै एक द्रष्टा ।
बनौं राम नामी जपौं कृष्ण काले
भजौं शम्भु भोले अनेकौं कुराले
उनै जून तारा उनै ज्ञान गंगा
सबै माझ पुग्ने उनै एक द्रष्टा ।
उनै जन्मदाता उनै हुन् हितैषी
उनै अन्नदाता उनै घामपानी
बने जिन्दगीको उनै छत्रछाया
उनै नाथ हाम्रो उनै मोह माया ।
बने शान्ति मार्गी छरे भाव भक्ति
बने अग्नि ज्वाला उनै सर्वशक्ति
जहाँ जाँउँ साथै हुने सर्वव्यापी
उनै सान हाम्रो उनै शक्तिशाली ।
भजौंला खुसीले सदा देव नाम
पुगौं है सबैले यहीँ चार धाम
मुनाफा नखोजी बनौं कर्मयोगी
उनै एक साक्षी उनै मोक्ष मार्गी ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
असार २३, २०८२ सोमबार 7 Views
