साउन १२, २०८२ दाङ –

दाङमा सर्पकाे डसाइबाट एक जनाको ज्यान गएको छ । साेमवार बिहान घरभित्रै सर्पले टोकेर राजपुर गाउँपालिका वडा नम्बर ३ खरदरियाका ५५ वर्षीय शालिकराम यादवको ज्यान गएको जिल्ला प्रहरी कार्यालय दाङले जनाएको छ । शङ्कर माध्यमिक विद्यालय खरदरियामा प्रधानाध्यापक समेत रहनुभएका यादवलाई सर्पले टोकेपछि उपचारका लागि राप्ती स्वास्थ्य विज्ञान प्रतिष्ठान घोराही पुर्‍याएकोमा उपचारकै क्रममा ज्यान गएको हो । गर्मी बढेसँगै विशेषगरी तराई र मध्यहाडी क्षेत्रमा समेत सर्पले टोक्ने घटना बढेका छन् ।