श्याम घिमिरे
साउन २३ सन्धिखर्क-
सन्धिखर्कमा रहेको नेपाली सेनाको वीर भद्रजंग गुल्मले विपद् पुर्व तयारी तथा प्रतिकार्य सम्बन्धी प्रशिक्षण एवं चेतनामुलक कार्यक्रम सम्पन्न गरेको छ । जिल्लाको सन्धिखर्क नगरपालीका २ चुत्रावेसीमा रहेको सन्धिखर्क ग्रीन इङ्लिस बोर्डिङ्ग स्कुलमा सुक्रवार भएको कार्यक्रममा वीरभद्र जंग गुल्म अर्घाखाँचीका सेनानी रिक्की पाण्डे सहितको टिमले बाढी पहिरो, आगलागी, भूकम्पलगायतका विपद् घटनामा कसरी बच्ने र समुदाय स्तरमा कसरी कामगर्ने भन्ने बारेमा अध्यास सहित प्रशिक्षण प्रदान गर्नुभएको बिद्यालयका सहायक प्रिन्सिपल नारायण भुसालले बताउनुभयो ।

कार्यक्रममा विपद्को बेलामा उद्धार गर्न प्रयोग गरीने विभिन्न सामग्रीहरूको बारेमा विद्यार्थीहरूलाई जानकारी गराइएको सेनानी पाण्डेले बताउनुभयो । विपद् प्रतिकार्य योजना कार्यक्रममा वीरभद्र गुल्म अर्घाखाँचीका सेनानी पाण्डे सहित बिद्यालय व्यवस्थापन समितिका अध्यक्ष डिलाराम भुसाल, प्रिन्सिपल टेकबहादुर थापा, शिक्षक,अभिभावक, विद्यार्थी एवं पत्रकारको सहभागिता रहेको थियो ।

बिद्यालयले बिभिन्न समयमा सबैखाले रचनात्मक एवं सचेतनामूलक कार्यहरु गर्दे आइ रहेको बिद्यालयका प्रिन्सिपल थापाको भनाइ रहेको छ । अहिले बिद्यालयमा नेपाली सेनाले एनसिसी तालीमपनि सञ्चालन गर्दे आइरहेको छ । जसमा ३० जना छात्रछात्राहरु सहभागी रहेको बिद्यालयले जनाएको छ ।