के पी भुसाल ‘अजस’
दशकौं केही बितेर गए जन्ताले सघाए ,
नेपाली भूमि कङ्काल जस्तो नेताले बनाए ।
भाषण मात्रै गरेर नेता जन्ताला भुलाए ,
बयासी साल चुनाव हेर जन्ताले छक्क्याए ।।

अन्याय गरे नगर्नु गरे नातावाद् फैलाए ,
बेचेर खाए स्वदेशी उद्योग अस्तित्व गुमाए ।
नेपाली युवा प्रदेशी बन्न वाध्यता तुल्याए ,
विकल्प खोज्दै जन्ताले हेर घन्टी पो बजाए ।।

हुरी र बतास् असिना बाट जोगिने कसोरी ,
जन्ताले पनि आश्रय लिए रुखको छहारी ।
रुखको फेद हाँगा र पात खै कता हराए ,
जन्ताको आँशु पुछेन कोही घन्टी नै बजाए ।।

जिन्दगी चल्न चाहिन्छ पेसा चल्दैन नभए ,
के गर्ने जन्ता कसैले घाम तापेर रमाए।
बादल लाग्यो सूर्यको ज्योति किरणै हराए ,
कामेका जन्ता विकल्प रोजे घन्टी नै बजाए ।।

अँधेरी रात टिलि र पिली अन्योल भैगयो ,
मधुरो तारा अधुरो आशा ढिलो पो उदायो ।
फिरन्ते तारा दिएनन् साथ खै कता हराए ,
निरास जन्ता बिचल्ली भए घन्टीमै रमाए ।।

पुख्र्यौली पेसा हलो र जुवा कसैले पछ्याए ,
कृषिनै ठूलो भनेर कोही माटोलाई सघाए ।
यिनको पनि लागेन भर के सोंचे रिसाए ,
आखिरी हेर नेपाली जन्ता घन्टीमै रमाए ।।

रिशले होला लुकेर आए घन्टी पो बजाए ,
हाँसेर आए हाँकेर आए घन्टीमै रमाए ।
नेपाली जन्ता मूर्ख भै हैन अधिकार जमाए ,
घन्टीमा भोट दिएर धेरै घरघरमै रमाए ।।

दारु र मासु लालचि कोही जतानि खाइदिए ,
दलको नाता नतोडे पनि चुपचाप भैदिए ।
नेपाली जन्ता स्वतन्त्र आफ्नो अस्तित्व जमाए ,
गोप्य मत आफ्नो घन्टीमा दिए यसैमा रमाए ।।

प्रकाशन मिति : २०८२ चैत्र २