के पी भुसाल ‘अजस’
नयाँवर्ष आयौ युग यो सकारी,
फस्टाइ सारै खुसका भकारी?
स्वागत् छ हाम्रो मनभित्र आऊ,
हटाइ पीडा सुखमा रमाऊ।।
कालो र मैलो अबता हटाऊ,
छ आस तिम्रै विपती धपाऊ।
दया र माया मनुमा फिँजाऊ,
विभेद हटाऊ सबमा सघाऊ।।
खाँचो छ शिक्षा नवज्योति छन्र्,
चाहिन्छ स्वास्थ् सब काम गर्न।
हटाइ मैलो नयना खुलाऊ,
नयाँवर्ष राम्रा उपहार देऊ।।
नेपाली जनमा नयाँ रस मिलोस् राम्रा र आनन्दका,
केही कष्ट नहौन् अहो मनुजमा पीडा तथा घातका।
सारै शान्ति रहोस् सधैँ मुलुकमा संसारकै सामुमा
नेपाली सबमा तिरासी सालको धेरै छ शुभकामना।।
शुभकामना ! शुभकामना!! शुभकामना !!
प्रकाशन मिति : २०८३ बैशाख १ गते
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
चैत्र २९, २०८२ आइतबार 5 Views
फागुण १४, २०८२ बिहिबार 24 Views
