श्याम घिमिरे,
जेठ ३२ अर्घाखाँची –
सन्धिखर्क नगरपालीका २ चुत्राबेसीमा रहेको सन्धिखर्क ग्रिन ईङ्गलिस बोर्डिङ्ग स्कुलको आयोजनामा, शिक्षक अभिभावक तथा बिद्यार्थीहरूकालागि एक दिने अभिमुखीकरण कार्यक्रम बिहिबार सम्पन्न भएको छ । सन्धिखर्कमा रहेको जिल्ला समन्वय समितिको सभाहलमा सम्पन्न कार्यक्रममा मोटिभेसनल स्पिकर डा.तारा जिले प्रशिक्षण सहित सहजीकरण गर्नुभएको थियो । अभिभाबक,शिक्षक र बिद्यार्थीहरुको उल्लेखनिय सहभागीता रहेको कार्यक्रमा मुख्य प्रशिक्षक डा.तारा जिले शिक्षक अभिभाबक र बिद्यार्थीहरुको दैनिक जिवनमा आवश्यकपर्ने बिभिन्न बिषयहरुमा सहजिकरण गर्नुभएको थियो ।

कार्यक्रममा शिक्षा विकास तथा समन्वय ईकाइ अर्घाखाँचीका प्रमुख मनिराम पराजुली, बिद्यालयका कम्पनी रजिष्टर अध्यक्ष हुमा बन्जाडे,शिक्षक अभिभाबक संघका अध्यक्ष तुल्सी खनाललगायतले शुभकामना मनतब्य राख्नुभएकोथियो । बिद्यालयका प्रिन्सिपल टेकबहादुर थापाको अध्यक्षता र सहकायक प्रिन्सिपल नारायण भुसालको सञ्चालनमा सम्पन्न कार्यक्रममा भुमिकास्थान नगरपालीका ४ नम्वर वडाअध्यक्ष बाबुराम पन्थी,बिद्यालय व्यवस्थापन समितिका सदस्य डिलाराम भुसाल,एनप्यावसन अर्घाखाँचीका अध्यक्ष थम्मन केसीलगायतको उपस्थिति रहेको थियो ।

मोटिभेसनल कार्यक्रममा सहभागीहुनपाउँदा शिक्षक अभिभावक तथा बिद्यार्थीहरू खुसि हुदै, यस प्रकारको कार्यक्रमले आफुहरुको दैनिक जिवनमा धेरै कुराहरुमा सकरात्मक परिबर्तन आउने बिस्वास समेत व्यक्त गरेका थिए ।