श्याम घिमिरे,
चैत २२ अर्घाखाँची,

देउराली बहुउद्देश्यीय सहकारी संस्था लिमिटेडको प्रथम वार्षिकोत्सव ,भित्तेपात्रो विमोचन तथा शुभकामना आदानप्रदान कार्यक्रम सम्पन्न भएको । संस्थाको कार्यालय चुत्रावेसीमा बिहिवार एक कार्यक्रमको आयोजना गरी वार्षिकोत्सवसंगै २०८१ सालको भित्तेपात्रो विमोचन तथा नयाँ बर्षको शुभकामना आदानप्रदान कार्यक्रम सम्पन्न भएको हो ।

कार्यक्रममा बोल्दै देउराली बहुउद्देश्यीय सहकारी संस्थाका अध्यक्ष गाबिन्द प्रसाद बन्जाडेले आर्थिक विकासकोलागी सहकारीले अब विजनेस प्लान बनाएर अगाडी बढ्ने बताउनुभयो । बन्जाडेले शेयर सदस्यहरुको निक्षेप सुरक्षित हुने कुरामा विस्वास दिलाउदै सहकारीमा जोडिन सबैलाइ आग्रह समेत गर्नुभयो ।

सञ्चालक समितिका पदाधिकारी,बिभिन्न उपसमितिका सदस्यहरु र शेयरसदस्यहरुको उपस्थिती रहेको कार्यक्रममा संस्थाका सचिव प्रेम प्रकाश पाण्डेले सहकारीको हालसम्मको अवस्था र वार्षिक कार्यक्रमको बारेमा जानकारी गराउनुभएको थियो ।

आर्थिक बिकास र सामाजिक रुपान्तरणकालागी सहकारी भन्ने मुख्य नारा सहित २०७९ सालमा स्थापति सहकारीमा हाल ३ सय २६ जना शेयर सदस्यहरु आबद्ध रहेकाछन । करिब डेढ करोडको कुल पुँजी रहेको सहकारीमा १ करोड २० लाख भन्दा धेरै ऋण लगानी भएको संस्थाका व्यवस्थापक पदम भुसालले जानकारी दिनुभयोे ।