श्याम घिमिरे,
असार १४ अर्घाखाँची

जिल्ला बचन तथा ऋण सहकारी संघ लिमिटेड अर्घाखाँचीको आयोजना र नेपाल बचत तथा ऋण केन्द्रिय सहकारी संघ लिमिटेड (नेफ्स्कून) को प्राबिधिक सहयोगमा सन्धिखर्कमा सुक्रवार अन्तरक्रिया तथा खाता बन्दी सम्बन्धी तालीम सम्पन्न भएको छ । तालीमको उद्घाटनगर्दे नेफ्स्कूनका केन्द्रिय अध्यक्ष चन्द्र प्रसाद ढकालले अर्घाखाँची जिल्लाभित्र भएको सहकारी सम्बन्धी सम्भावनालाइ अध्ययनगरी कार्यान्वयन गर्न सबै लाग्नुपर्नेमा जोड दिनुभयो ।

ढकालले सहकारीको गतिबिधि,काम लगायतका अन्य क्षेत्रमा अर्घाखाँची जिल्ला बचन तथा ऋण सहकारी संघ लुम्विनी प्रदेशमै तेस्रो स्थानमा रहेको भन्दै मुक्त कण्ठले प्रसंशा समेत गर्नुभयो । नेफ्स्कूनले जिल्लामा सहकारी सम्बन्धी साझेदारी कार्यक्रम ल्याउने तयारी गरेको भन्दै ढकालले साझेदारी कार्यक्रम सञ्चालनपछि वचत संघ बलियो हुने विस्वास पनि व्यक्त गर्नुभयो ।

नेफ्स्कूनका प्रशिक्षक विभाग प्रमुख संजयराज तिमिल्सिनाले सहजिकरण गर्नु भएको तालिममा खाता बन्दी लगायत सहकारी सम्बन्धी विबिध बिषयमा छलफल भएको हो । कार्यक्रममा नेफ्स्कूनका सञ्चालक ज्ञानु पौडेल,जिल्ला सहकारी संघ अर्घाखाँचीका अध्यक्ष प्रकाश भुसाल,लुम्विनी प्रदेश बचत तथा ऋण सहकारी संघका सञ्चालक रुद्र प्रसाद श्रेष्ठलगायतले शुभकामना मनतब्य राख्नुभएको थियो ।

जिल्ला बचन तथा ऋण सहकारी संघका अध्यक्ष दोर्ण प्रसाद भुसालको अध्यक्षता,उपाध्यक्ष पार्वती भुसालको स्वागत मनतव्य र सचिव धर्मराज भुसालको सञ्चालनमा सम्पन्न कार्यक्रममा ३३ वटा बचत तथा ऋण सहकारी संस्थावाट ५२ जना प्रतिनिधिहरुको सहभागीता रहेको संघका जिल्ला अध्यक्ष भुसालले जानकारी दिनुभयो ।