श्याम घिमिरे,
साउन २६ सन्धिखर्क त्रिवेणी वचत तथा ऋण सहकारी संस्था लिमटेड सन्धिखर्क २ चुत्राबेसीको संयुक्त बैठक (बिस्तारीत मञ्च) सनिवार सन्धिखर्कमा सम्पन्न भएको छ । सहकारी सञ्चालक समितिका पदाधिकारी सहित विभिन्न उपसमितिका सदस्यहरूको उपस्थिति रहेको बैठकमा संस्थाका अध्यक्ष कमल प्रसाद घिमिरेबाट आ.व.२०८१/०८२ को लागि प्रस्तावित निति तथा कार्यक्रम प्रस्तुत गर्नुको साथै व्यवस्थापक तुल्सी खनालले वित्तिय विवरण र सञ्चालक शिव बेल्वासेले गत आ.व.२०८०/०८१ मा संस्थाले गरेका कार्यहरुको बारेमा प्रस्तुति गर्नुभएको थियो ।

कार्यक्रममा उपस्थित सहभागीहरुबाट आएका बिभिन्न राय सुझावहरुलाई व्यापक रुपमा छलफल गर्दे संस्थाको साधारण सभाबाट अनुमोदन गरी कार्यान्वयन गर्ने कुरामा छलफल भएको संस्थाका व्यवस्थापक खनालले जानकारी दिनुभयो । कार्यक्रम संस्थाका अध्यक्ष कमल प्रसाद घिमिरेको अध्यक्षता कोषाध्यक्ष टोपलाल खनालको स्वागत मनतब्य र सचिव नारायण भुसालको सञ्चालनमा सम्पन्न भएको हो । बैठकले सञ्चालक समितिका उपाध्यक्ष स्वर्गीय यमकला बन्जाडेको निधनमा शोक प्रस्ताव समेत पारीत गरेको छ ।