Trend

के पी भुसाल ‘अजस’

रहिछ्यौ अज्ञानी खुस जति सकायौ खसमका,
रहिछ्यौ पापीनी सब झुर बनायौ कबुलता ।
न दिन्छ्यौ तिर्खाले अतिव तन सुक्दा जल पनि,
न बोल्छ्यौ मायाले म थलपरदा मोहक बनी ।।

थिए धेरै आशा तर सब जलायौ दनदनी,
भरोसाको पोको कचरस बनायौ चुर बनी ।
जलेको यो मेरो मन र मुटुमा तेल थपदै,
कलङ्कीत् बन्दैछौ अझ कति अधर्मी सनकदै ।।

न दिन्छ्यौ हिड्दाका बखत पनि केही सबुतनै,
सधै लाचारी भै रहनु म कसोरी दिनदिनै ।
छिमेकी भन्दैछन् खुसुखुसु मलाई नकचरो,
सदा खाना हुन्छन् रस रहित मेरा कचकरो ।।

ठगाही जाली हौ छल कपट गर्दै हठ लियौ,
कुकर्मी,स्वार्थी हौ फगत सब मेरो श्रम लियौ ।
सबै इच्छा मेरा झुर झुर बनायौ यसघरी,
हिडेकी छौ सारै लसपस सिकारी मनपरी ।।

छ ऐले गालामा चमक रसिलो रूप अनि,
र जेथा खल्तीमा छल कपटको आँशु छ पनि ।
न टिक्ला तिम्रो त्यो तन त कलिलो जीवनभरी,
रुनेछौ क्वै दिन् ता अतिव पछुतोले खुसहरि ।।

नबुझ्छन् मेरा यी मन र तनका मर्म जनहरू,
गरेकै हुन्छन् नै हरतरह गिल्ला खुसुखुसु ।
न कोही सोध्छन् है दुखसुख बुझेका भनुँ कसो
छ पीडामा पीडा थपथप बसेको गरुँ कसो ?

बचेकै छन् कैयौं यस जगतमा पीडकहरू,
डटेकै हुन्छन् ती हृदय कुँडिएका तनहरू ।
छ धर्ती मै पीडा समय कलिको सोचन लिए,
सही सावित्रीका मन र मुटुता अल्प न भए ।।

प्रकाशन मिति : २०८१ असोज १४

 

प्रतिक्रिया

सम्बन्धित खवर

  माघ २३, २०८१ बुधबार 6 Views

गजल-✍️डिल्ली राज घिमिरे

  माघ २३, २०८१ बुधबार 13 Views

माया आफ्नै गाउँको – (लोक छन्द)

  मंग्सिर १३, २०८१ बिहिबार 18 Views

मियो

  मंग्सिर ११, २०८१ मंगलबार 22 Views

डढेलो – (इन्द्रबज्रा छन्द)

  कार्तिक २३, २०८१ शुक्रबार 21 Views

भरौटे र ठालु : (छन्द भुजङ्ग प्रयात कविता)

  कार्तिक १८, २०८१ आइतबार 33 Views

तिहार (उपजाति छन्द)

ताजा अपडेट
धेरै पढिएको

माया आफ्नै गाउँको – (लोक छन्द)

सन्धिखर्क एफएम आठाैं बर्षमा प्रवेश

बाबुराम भट्टराई नेतृत्वको नेसपा (नयाँ शक्ति) को महाधिवेशन आजदेखि काठमाडौँमा सुरु

गजल-✍️डिल्ली राज घिमिरे

दिल्लीमा २७ वर्षपछि भाजपाले सरकार बनाउँदै

एमाले जिल्ला कमिटी अर्घाखाँचीकाे दाेस्राे पूर्ण बैठक सम्पन्न


TOP